Пасля паразы ад кіеўскага “Сокала” (2:3) ў матчы, які цалкам мог стаць апошнім у серыі і пераможным для магілёўскага “Хімвалакна”, глаўкам гаспадароў Сяргей Усанаў адзначыў, што

“На адным каньку, такую каманду як “Сокал” не аб’едзеш. Сёння наша рэалізацыя, мякка кажучы, не ўразіла. У аднаго Бажко было тры стоадсоткавых моманты – нават у пустыя вароты кідаў. На жаль, – сказаў пасля матчу галоўны трэнер “Хімвалакна” Сяргей Усанаў. – Зноў прапусцілі ў большасці на пачатку матча, пры другім прапушчаным голе грубую памылку зрабіў цэнтральны нападнік… А напрыканцы двума выдаленнямі самі сябе пазбавілі магчымасці выратаваць гульню“, – дадаў ён.

Аднак разам з тым галоўны трэнер магілёўскай каманды адзначыў, што ня мае прэтэнзій да большасці сваіх хакеістаў.

“У цэлым, да асноўнай часткі каманды прэтэнзій няма – хлопцы аддаліся гульні без астатку. На вышыні была і падтрымка трыбун. А вось рэалізацыя нас падвяла, – падае словы Сяргея Усанава афіцыйны сайт “Хімвалакна”. – Што ж, серыя працягваецца і нас чакае вырашальная бітва на выездзе. Будзем сур’ёзна рыхтавацца“, – паабяцаў ён.