4 сакавіка ў Маскве адбылася прэзентацыя трох трафеяў Кантынентальнай хакейнай лігі, паведамляе афіцыйны сайт Кнтынентальнай хакейнай лігі. Першы – “Кубак Кантынента” – прыз камандзе, якая заняла першае месца па выніках рэгулярнага чэмпіянату КХЛ, які ў цяперашнім сезоне завяршаецца 7 сакавіка. Два іншых кубка – “Пераможцу канферэнцыі “Захад” і “Пераможцу канферэнцыі “Усход” – прызы фіналістам плэй-оф, якія выйгралі ў фіналах сваіх канферэнцый.

Прэзентаваў трафеі прэзідэнт КХЛ Аляксандр Мядзведзеў.

- Кубак Кантынента будзе ўручацца пераможцу рэгулярнага чэмпіянату па заканчэнні матчаў заключнага гульнявога дня турніру, - паведаміў ён. – Для выбару назвы трафея было арганізавана галасаванне заўзятараў на афіцыйным сайце Лігі. У выніку, прыз пераможцу рэгулярнага чэмпіянату атрымаў імя “Кубак Кантынента” – цалкам ўдалая, на мой погляд, назва, сугучная назве нашай Лігі. Мабыць, два іншых трафея – кубкі “Пераможцу канферэнцыі “Захад” і ”Пераможцу канферэнцыі “Усход”, – хакеісты камандаў, якія прабіліся ў фінал плэй-оф, па хакейнай традыцыі, не стануць браць у рукі. Бо іх мэтай будзе галоўны прыз – Кубак Гагарына.