У суботу, 27 лютага, зборная Беларусі вярнулася ў Мінск з Алімпіяды ў Ванкуверы. Зборную сустрэлі в.а. старшыні ФХРБ Уладзімір Швабоўскі і дзяржаўны трэнер Генадзь Сцяпанаў, паведамляе прэс-служба Федэрацыі хакея Беларусі. Па прылёце галоўны трэнер нашай каманды Міхаіл Захараў даў ацэнку выступленню беларусаў на Алімпіядзе:

“Лічу, што за выступ нам можна ставіць моцную чацвёрку, – сказаў Міхаіл Захараў. – У нас не было ніводнага правальнага матча, з кожнай гульнёй мы прагрэсіравалі. Паверце, стварыць ідэальную каманду за такі кароткі час, які быў у нас, нерэальна. Вельмі дапамог нам Дэйв Льюіс, які адказваў за гульню абаронцаў. Ён сапраўдны прафесіянал. Да падапечных прэтэнзій няма. Увогуле мяне здзівіла тое, як хлопцы змагаліся, біліся, не здаваліся ў любой сітуацыі. Дзякуй ім“, – сказаў Міхаіл Захараў.

ФОТА: БелаПАН