Ужо ў трэці раз запар “Караліна” перамагае без свайго асноўнага брамніка Кэма Ўорда, які атрымаў траўму спіны. Да таго ж цікава, што ў гэтых трох матчах “ураганы” прапусцілі ўсяго толькі пяць галоў. І нягледзячы на тое, што каманда знаходзіцца ў падвале турнірнай табліцы, яе гульцы на апошніх тыднях дэманструюць свой лепшы хакей. Брамніку “Караліны” Мэні Легасі для перамогі дастаткова было зрабіць усяго толькі 19 сэйваў, у той час як ягоны візаві Томаш Вакоўн меў працы значна болей.

“Флорыда” намагалася выратаваць становішча, калі на апошніх хвілінах матчу зняла брамніка, але ў выніку толькі атрымала яшчэ адну прабоіну ў пустыя вароты. Фінскі форвард “ураганаў” Туома Рууту крыху пасунуў “пантэр” ад зоны плэй-оф.

КАРАЛІНА ХАРЫКЕЙНС – ФЛОРЫДА ПАНТЭРС 4-1 (0-0, 2-1, 2-0).
10.02.2010@02:08. RBC Цэнтр, 18393 глядачоў.
СУДДЗІ: Франсуа СЭН-ЛАРАН, Цім ПІЛ, Цім Новак, Браян Панчыч.
ШАЙБЫ:
25:28 1-0 Юсі ЁКІНЕН (Эрык Стаал, М. Кален – больш.);
29:36 1-1 Коры СЦІЛМАН (Стэфан Уэйс, Браян Мак-Кейб);
33:00 2-1 Ёні ПІТКАНЕН (Раян Уітні, Аарон Уорд);
43:11 3-1 М. КАЛЕН (Цім Глісан, Том Кастопулас);
58:46 4-1 Туома РУУТУ (Стэфан Йель, М. Кален – пуст. вар.).
БРАМНІКІ: Мэні Легасі (60:00, 1-20 = 95,0%) – Томаш Вакоўн (59:38, 3-29 = 89,7%).
КIДКI: 30-20 (9-8, 13-7, 8-5).
ШТРАФЫ: 18-18 (10-14, 2-2, 6-2).
ЗОРКІ: М. КАЛЕН (Караліна Харыкейнс), Ёні ПІТКАНЕН (Караліна Харыкейнс), Цім ГЛІСАН (Караліна Харыкейнс).

Нягледзячы на перамогу “Караліне” не ўдалося змяніть сваё турнірнае становішча і зараз “ураганы” з 51 ачком пасля 59 матчаў займае перадапошняе 14 месца ва Ўсходняй канферэнцыі. “Флорыда”, якая знаходзіцца ў тым жа Паўднёва-усходнім дывізіёне, пасля такой жа самай колькасці гульняў мае 57 ачкоў і месціцца ў турнірнай табліцы на два радкі вышэй.

ФОТА: Gregg Forwerck/NHLI via Getty Images