Нападнік “Анахайма” Коры Пэры зарабіў у сённяшнім матчы 3 (1+2) ачкі і паставіў кропку на дзевяціматчавай пераможнай серыі “каралей” з Лос-Анжэлеса. Закінуў шайбу ў вароты гасцей і чалец алімпійскай зборнай Канады Раян Гецлаф, але ён з-за расцягнення левай нагі быў вымушаны пакінуць пляцоўку ў другім перыядзе. Дзве шайбы “Лос-Анжэлеса” ў выкананні Оскара Мёлера і Анжэ Капітара не выратавалі “каралей”, якія не прайгравалі з 11 студзеня. Дарэчы, Мёлер, які адкрыў лік у сённяшняй сустрэчы, сваім голам перарваў персанальную галявую “засуху”, што доўжылася на працягу апошніх 15 матчаў.

Рэзервовым брамнікам у “качак” сёння быў Веса Тоскала, які перайшоў у каманду ў выніку абмена з “Таронта”, куды ў адказ паехаў Жан-Себасцьян Жыгер. Але Тоскала ў адрозненне ад свайго калегі, які ўжо паспеў зрабіць два шатаўты ў трох матчах, фактычна ўпершыню апрануў новую форму. Весь мінулы тыдзень фін быў вымушаны вырашаць іміграцыйныя пытанні.

АНАХАЙМ ДАКС – ЛОС-АНЖЭЛЕС КІНГС 4-2 (1-1, 3-1, 0-0).
09.02.2010@05:08. Хонда Цэнтр, 16033 глядачоў.
СУДДЗІ: Браян ПАЧМАРА, Келі САЗЭРЛЕНД, Лоні Кэмеран, Марк Уэлер.
ШАЙБЫ:
12:31 0-1 Оскар МЁЛЕР (Аляксандр Фралоў);
18:30 1-1 Цему СЕЛЯНЕ (Коры Пэры, Саку Койву – больш.);
23:27 2-1 Раян ГЕЦЛАФ (Коры Пэры, Р. Уітні);
26:24 3-1 Саку КОЙВУ (Цему Селяне, Скот Нідэрмаер – больш.);
38:06 3-2 Анжэ КАПІТАР (Раян Сміт, Дру Даўгці);
38:30 4-2 Коры ПЭРЫ (Р. Уітні, С. Эмінджэр).
БРАМНІКІ: Ёнас Хілер (59:51, 2-37 = 94,6%) – Джонатан Куік (58:20, 4-33 = 87,9%).
КIДКI: 33-37 (9-7, 17-12, 7-18).
ШТРАФЫ: 10-10 (4-6, 4-4, 2-0).
ЗОРКІ: Коры ПЭРЫ (Анахайм Дакс), Саку КОЙВУ (Анахайм Дакс), Скот НІДЭРМАЕР (Анахайм Дакс).

“Анахайм” пасля сённяшняй перамогі займае 11 месца ў Заходняй канферэнцыі, маючы ў сваім актыве 63 ачка пасля 59 матчаў. “Лос-Анжэлес” там жа на захадзе НХЛ мае 75 ачкоў пасля такой жа самай колькасці матчаў і займае пяты радок турнірнай табліцы.

ФОТА: Debora Robinson/NHLI via Getty Images