НХЛ назвала тройку лепшых гульцоў лігі ў студзені. Першае месца чакана заняў лідар нападаў “Вашынгтона” расійскі нападнік Аляксандр Авечкін.

І для форварда алімпійскай зборнай Расіі, і для ўсяго “Вашынгтона” студзень стаў лепшым месяцам у гэтым рэгулярным чэмпіянаце: каманда са сталіцы ЗША ў 15 матчах атрымала 13 перамог. Авечкін за гэты час палепшыў сваю асабістую статыстыку на 26 ачкоў – 9 галоў і 17 галявых перадач, а рэйтынг ягонай карыснасці вырас на 15 балаў. Магчыма, Авечкіна натхніла на выніковую і карысную гульню прызначэнне яго 5 студзеня капітанам “Кэпіталз”.

Другім гульцом месяца прызнаны шведскі форвард “Ванкувера” Хенрык Сядзін, які ўжо па выніках праведзеных у гэтым сезоне матчаў перакрыў уласны рэкорд у НХЛ. 6 закінутых шайбаў у 13 студзеньскіх матчах давялі лік яго галам у гэтым сезоне да 25, што з’яўляецца для яго лепшым паказчыкам, а 19 перадач дазволілі перавысіць не толькі ўласны рэкорд выніковасці за сезон, але і ўзначаліць спіс самых выніковых гульцоў лігі. Зараз на яго рахунку у гэтым сезоне 78 (25+53) ачкоў, ён на два ачка апярэджвае Авечкіна і на 10 – форварда “Піцбурга” Сідні Кросбі.

Трэцяй зоркай месяца стаў чэшскі брамнік “Фларыды” Томаш Вакоўн. За апошні месяц ён правёў 14 матчаў, у якіх “Пантэрс” атрымалі 8 перамог, і прапусціў толькі 21 гол, паказаўшы 95,8 адсоткаў адбітых кідкоў і зрабіўшы падчас гэтых матчаў чатыры “шатаўта”, паведамляе афіцыйны сайт НХЛ.

ФОТА: AP Images