Напачатку студзеня прэс-служба Федэрацыі хакея Ўкраіны правяла апытанне хакейных адмыслоўцаў, трэнераў і журналістаў для вызначэння лепшага гульца Ўкраіны 2009 гады. Усяго ў апытанні прынялі ўдзел 58 рэспандэнтаў. Усе ўдзельнікі рэферэндуму называлі тройку лепшых, на іх думку, гульцоў Украіны 2009 года. За першае месца гульцам налічвалася 3 ачка, за другое – 2, за трэцяе – 1. Пераможца вызначаўся па колькасці набраных ачкоў.

Па выніках апытання лепшым гульцом Украіны мінулага года названы ўладальнік Кубка Стэнлі- 2009, нападнік каманды НХЛ “Пітсбург Пінгвінз” Руслан Федаценка. Руслан атрымаў 71 ачко. 20 рэспандэнтаў прызналі яго найлепшым, 4 – другім, 3 – трэцім.

Толькі на два ачка адстаў ад яго нападнік менскага “Дынама”, уладальнік Кубка Шпэнглера Сяргей Варламаў. Аднаго з лідараў нацыянальнай зборнай каманды Ўкраіны лепшым прызналі 12 рэспандэнтаў, 13 паставілі яго на другое месца, яшчэ 7 назвалі яго трэцім.

Замкнуў тройку прызёраў нападнік “Таронта Мэйпл Ліфс” Аляксей Панікароўскі. У мінулым сезоне Аляксей абнавіў некалькі ўласных рэкордаў у НХЛ і стаў сапраўдным лідарам свайго клуба. Панікароўскі атрымаў 27 ачкоў: 2 першых месцы, 10 другіх, 1 трэцяе.

У дзясятку лепшых хакеістаў Украіны патрапілі: Алег Цімчанка (“Юнацтва”, Беларусь) – 19 ачкоў, Канстанцін Сімчук (“Сокал”) – 18 ачкоў, Аляксандр Мацярухін (“Юнацтва”, Беларусь) – 18 ачкоў, Дзмітрый Цыруль (“Сокал”) – 16 ачкоў, Сяргей Кліменцьеў (“Сокал”) – 12 ачкоў, Андрэй Срубко (“Сокал”) – 12 ачкоў і Вадзім Шахрайчук (“Тарпеда”, Расія) – 12 ачкоў.

Усяго ў апытанні называліся прозвішчы 30 хакеістаў. Сярод іх 2 на дадзены момант прадстаўляюць НХЛ, 7 – КХЛ, 12 – беларускую Экстралігу, 5 – чэмпіянат Украіны, 2 – выступалі паралельна ў Экстралізе і чэмпіянаце Ўкраіны, 1 – у чэмпіянаце Казахстана і адзін цяпер не выступае ні ў адной камандзе.

Крыніца: fhu.com.ua