Перарваўшы ў матчы супраць “Хіміка-СКА” сваю бязвыйгрышную серыю, у наступным матчы супраць “Віцебска” бабруйскі “Шыннік” зноў-такі прайграў (0:3). Пасля матчу галоўны трэнер “Шынніка” Юрый Файкоў пашкадаваў пра няўдалую гульню свайго брамніка адзначыў добрую гульню брамніка гасцей.

“У такой гульні, калі хтосьці выпадае жорстка, то гэта адразу відаць. І што казаць, калі выпадае брамнік?.. Як вы ведаеце, брамнік у сучасным хакеі – гэта раней была палова каманды, а цяпер гэта значна больш. Калі брамнік не гатовы, то з двух кідкоў, што сапернік здзяйсняе па варотах, ён два галы і прапускае. Потым памкнуцца, вядома, цяжкавата. Удзячны хлопцам, што знайшлі ў сабе сілы, не зламаліся, працягвалі гульню. Ну яшчэ фартуна на боку сапернікаў сёння была. Не ішла шайба і брамнік шыкоўна адыграў: Шыбанаў, злавіў усё, што можна. Вось як брамнік павінен гуляць! Усё сваё плюс, калі ўсё думалі, што гол, ён і там паспяваў яшчэ“, – сказаў пасля матчу галоўны трэнер “Шынніка” Юрый Файкоў.