Нягледзячы на змену галоўнага трэнера, наваполацкая каманда працягвае прайграваць. Але ж у апошніх матчах, здаецца, ужо зусім бяззуба. Прычын паразы ад жлобінскага “Металурга” (3:1) цяперашні настаўнік “Хіміка-СКА” Уладзімір Катаеў шукаць ня стаў, але ж паабяцаў, што каманда хутка выйдзе з гэтага становішча.

“Я не буду шукаць апраўданняў, але ў нас сёння ў складзе быў адзін паўнавартасны цэнтральны нападнік асноўнага складу. Астатнія – гэта гульцы фарм-клубу. Так, у нас цяпер ідзе “яма” – шэраг параз. Але пасля гэтага матчу, я думаю, мы выйдзем з гэтага становішча. Хлопцамі я сёння абсалютна задаволены. Забілі адзін гол, хоць  момантаў стварылі досыць і маглі б згуляць больш годна“, – сказаў пасля матчу Ўладзімір Катаеў.