У прынцыповым матчы гаспадары паўфінальнага турніру Кантынентальнага Кубку “Ліепаяс Металург” саступілі на апошніх секундах сустрэчы “Рэд Булу” з Зальцбурга (3:4). На думку галоўнага трэнера ліепайчан Уладзіміра Галубовіча закладам поспеху ў гэтай сустрэчы быў толькі функцыянальны стан гульцоў:

“На мой погляд, нам не хапіла свежасці і майстэрства. У нас вельмі маладая каманда. Былі моманты і “пяць на чатыры”, і “пяць на тры” і хоць мы рэалізавалі некаторыя з іх, агулам рэалізацыя была вельмі слабая. Сапернік быў больш мабільны і болей свежы. У нас жа ўчарашні матч адняў шмат сіл. У гэтай гульні нічога не вырашала тактыка, а толькі функцыянальны стан“, – сказаў Уладзімір Галубовіч.