Расейскі нападнік Аляксандр Скугараў, які напярэдадні падпісаў праглядовы кантракт з ХК “Гомель”, пакінуў размяшчэнне беларускай каманды не згуляўшы за яе ніводнага матчу. Прычынай таго стала незадаволенасць фізічным станам хакеіста, паведамляе афіцыйны сайт ХК “Гомель”.

Нагадаем, што ўчора галоўны трэнер “Гомеля” Андрэй Скабелка даў зразумець, што клуб разлічвае на славутага нападніка, але без праверкі ягоных кандыцый да гульняў легіянера дапускаць не збіраюцца: “Праверым у якой фізічнай форме ён знаходзіцца зараз. Без сумневаў – гэта моцны гулец, які доўгі час гуляў на вельмі высокім узроўні, але за былыя заслугі проста так у склад не патрапіш. Спачатку ўсё праверым, а потым вырашым калі ён пачне за нас выступаць“, – сказаў Андрэй Скабелка.