У чарговым гомельскім абласным дзербі жлобінскі “Металург” змог не толькі адыграць перавагу ў два гала, але і вырваць у выніку перамогу ў серыі пасляматчавых булітаў (2:3 бул). Гэтая перамога стала першай для жлабінчан двухачковай выязной перамогай. Па словах галоўнага трэнера гасцей Яўгена Лебядзева камандзе быў патрэбны час, каб занайсці сваю гульню:

“Ведаеце, калі на такія матчы ездзіш у дзень гульні, то паказваць добрую гульню ў першым перыядзе вельмі складана. У выніку, тры выдаленні ў першым перыядзе і мы прайграем 0-2. Гэта кажа пра тое, што кіраўніцтву нашага клуба варта задумацца, як нам рыхтавацца да такіх гульняў. Але нічога, па ходзе сустрэчы хлопцы дадалі функцыянальна і змаглі перавесці гульню ў авертайм. Ну а ў хакейнай латарэі нам пашчасціла больш, чым гаспадарам“, – сказаў Яўген Лебядзеў.