Як паведамляе афіцыйны сайт кіеўскай каманды, напярэдадні сённяшняга матчу з бабруйскім “Шыннікам” да складу каманды былі выкліканы адразу пяцёра гульцоў: абаронцы Руслан Свірыдаў і Арцём Нявераў, а таксама нападнікі Сяргей Варламаў, Раман Малоў і Дзмітрый Цыруль.

Нагадаем, што пасля траўмаў працягваюць аднаўляцца ў Кіеве брамнік Канстанцін Сімчук, абаронца Аляксандр Пабеданосцаў, нападнікі Вадзім Аверкін і Яўген Пастух. Няма ў складзе і абаронца Дзяніса Ісаенкі, які па інфармацыі прэс-службы кіеўскай каманды захварэў на грып. А вось лепшы гулец каманды ў верасні нападнік Раман Сальнікаў пакуль што ўзяў паўзу ў выступах за кіеўскі калектыў.

ФОТА: hcsokol.kiev.ua

“Шмат хто з каманды перахварэў яшчэ месяц таму, але зараз у нас ёсць чатыры паўнавартасныя пяцёркі“, – пракаменціраваў для “Сусветнага хакея” становішча ў камандзе прэс-атташэ “Сокала” Вячаслаў Волкаў.