Зборная Даніі, якая на мінулых Кубках Палесся паказала сябе даволі грознай сілай, у сваім першым матчы бягучага турніру даволі лёгка саступіла зборнай Аўстрыі (1:3). Прычынай паразы галоўны трэнер датчанаў Пэр Бэкаман назваў шмат выдаленняў і вялікія хуткасці сапернікаў:

“Першыя два перыяды былі вельмі цяжкімі, таму што ў нас было шмат выдаленняў. Каманда Аўстрыі дэманструе вельмі высокія хуткасці, таму ў нас было шмат затрымак клюшкай, у прыватнасці. Было каля васьмі выдаленняў у першых двух перыядах, што, вядома, адбілася на выніку. Я задаволены гульнёй сваёй каманды ў трэцім перыядзе і зыход матчу лічу заканамерным“, – сказаў Пэр Бэкман. – “Ёсць  невялікія праблемы са складам, таму што пяць гульцоў траўміравана, а чацвёра гуляюць у шведскім чэмпіянаце. Гэта каманда складзена галоўным чынам з гульцоў, якія гуляюць у чэмпіянаце Даніі, што для іх, безумоўна, ёсць вялікім досведам“, – дадаў ён.

Супыніўся глаўкам датчан і на тым, якім чынам ягоная каманда будзе будаваць гульню супраць зборнай Беларусі:

“Я гуляў з камандай Беларусі летась і ведаю, што гэта вельмі моцная каманда. Безумоўна, каб заўтра перамагчы, нам неабходна асноўную ўвагу надаваць дысцыпліне і, такім чынам, больш кантраляваць гульню. Сёння мы фактычна гулялі ў тры звяна, таму што яшчэ адзін гулец атрымаў траўму. Заўтра паспрабуем выступіць паспяхова”, – сказаў галоўны трэнер зборнай Даніі.