Жлобінскі “Металург” у напружанай барацьбе ўзяў такую важную для сябе перамогу над гарадзенскім “Нёманам”. У гульні, пра якую некаторыя трэнеры любяць казаць, што яна была за шэсць ачкоў, “сталёвыя ваўкі” змаглі не толька перамагчы (3:0), але і дазволілі Арунасу Алейнікавасу запісаць на свой рахунак трэці “сухі” матч у сезоне. Але ж насуперак чаканням галоўны трэнер “Металурга” Яўген Лебядзеў на прэс-канферэнцыі не стаў амаль нічога казаць пра сам матч:

“Па гульні казаць няма чаго, калі выйграеш з “сухім” лікам. Хочацца, каб ужо хутчэй скончыўся гэты кастрычнік, каб хлопцы хоць крыху ўздахнулі. Ужо практычна “паўзе” ўся каманда, бо гуляць у тры пяцёркі трынаццаць гульняў – гэта вельмі цяжка“, – сказаў Яўген Лебядзеў.