3 верасня стартуе 18 Адкрыты чэмпіянат Рэспублікі Беларусь згодна з календаром якога ў першы ж дзень змаганняў сустрэнуцца два мінулагодніх фіналіста – ХК “Гомель” і “Юнацтва”. Матч адбудзецца ў Менску на пляцоўцы, што ў парку імя Горкага. Гомельскія заўзятары таксама змогуць навідавоч сачыць за гэтай сустрэчай. Для іх клуб арганізуе выезд.
Як нам паведамілі ў прэс-службе ХК “Гомель” выезд цалкам бесплатны для ўсіх, хто пажадае падтрымаць сваю каманду. Адпраўленне аўтобуса ад пляцоўкі ля гомельскага лядовага палацу а 13:00 3 верасня.
