Стала вядома пра прызначэнне Артура Ірбэ трэнерам брамнікаў клуба НХЛ “Вашынгтон Кэпіталс”. Былы галкіпер збонай Латвіі заменіць на гэтым пасту Дэйва Праёра, які ў мінулым сезоне прывёў у каманду вельмі перспектыўнага расійскага брамніка Сямёна Варламава, паведамляе Телеграф.lv. Прайор працаваў трэнерам брамнікаў “Вашынгтона” 12 апошніх гадоў і пакінуў гэту пасаду па сямейных прычынах. Адной з прычын па якіх кіраўніцтва клубу зрабіла прапанову Ірбэ – гэта веданне рускай мовы. На думку босаў “сталічнікаў” яно дапаможа ў далейшай працы з Варламавым.

Што да Ірбэ, то ён правёў у НХЛ 13 сезонаў у складзе такіх каманд, як “Сан-Хасэ”, “Далас”, “Ванкувер” і “Караліна”. У 2002 году Артур разам з “Каралінай” дайшоў да фіналу Кубка Стэнлі. За зборную Латвіі Ірбэ згуляў 64 матча, выступаючы на 9 чэмпіянатах свету і дзвюх Алімпіядах. Акрамя таго, Артур двойчы прымаў удзел на чэмпіянатах свету у складзе зборнай СССР – у 1989 і 1990 гадах, а таксама быў сцяганосцам зборнай Латвіі на зімовых Алімпійскіх гульнях – 2006 у Турыне.

Кар’еру Ірбэ завяршыў у 2008 годзе і мінулы сезон правёў у якасці настаўніка брамнікаў рыжскага “Дынама”.