Вось і Наваполацк сустрэў новы хакейны сезон. У палацы спорту сустракаліся каманды “Хімік-СКА” і “ХК Брэст”.
Секундная стрэлка не прайшла і паловы круга, як Мікіта Камароў пакінуў сваіх партнёраў па камандзе ў меншасці. Аднак якой-небудзь выгады госці з гэтага не атрымалі, больш таго, не стварылі ніводнага небяспечнага моманту. Калі склады сталі роўнымі, каманды на працягу 30 секунд абмяняліся вострымі ўколамі, але галкіперы былі на вышыні.
Калі ў першым перыядзе каманды прыглядаліся адзін да аднаго, то ў другім прыйшоў час для рашучых дзеянняў. Атрымаўшы колькасную перавагу ў два гульца, хакеісты “Хіміка” паспелі за 8 секунд распячатаць Сяргея Рагоўскага. Максім Жылін завяршыў шматхадовую камбінацыю. Другі перыяд застаўся за “хімікамі”, якія, абараніўшы вароты ўтрох супраць поўнай пяцёркі саперніка, у другі раз узламалі абарону берасцейцаў. Андрэй Мароз з левага флангу аддаў выдатную перадачу Аляксею Пільнову, а ўжо той дакладным кідком ускалыхнуў сетку за спіной галкіпера.
“Хімік” і трэці перыяд пачынаў з выдалення – гэта ўжо можна назваць своеасаблівай традыцыяй. Калі ж склады зраўнаваліся, каманды пачалі абменьвацца нападамі. На два флангавых праходы гаспадароў, госці адказалі кідком Паўла Мікульчыка ад сіняй лініі. І нібы захапіўшыся атакуючымі дзеяннямі, “хімікі-армейцы” празявалі Кірыла Пяткевіча, які ад сіняй лініі ўцёк на рандэву з Яўгенам Філіпчыкам. На пляцоўцы стала гарачэй. Перавага гаспадароў ужо была мінімальнай. Госці паверылі ў магчымасць зраўняць лічбы на табло. Але ўсё-жа небяспечней атакавалі хакеісты “Хіміка-СКА”. Мікіта Камароў мог патрапіць у пустыя вароты, аднак самааддана згуляў абаронца госцяў.
ХІМІК-СКА (Наваполацк) – БРЭСТ 2:1 (0:0, 2:0, 0:1)
10.08.2009@18:30. г. Наваполацк, Палац спорту і культуры, 1100 гледачоў.
СУДДЗІ: Андрэй Васько, Яўген Дзянісік, Дзмітрый Шабуневіч, В. Лабкоў.
СКЛАДЫ:
ХІМІК-СКА: Філіпчык; Пераверзеў – Магераў, Жылін – Пільноў – Мароз; Скрыпелёў – Глінкін, Камароў – Прыгуноў (к) – Крыкуненка; Яскевіч – Клішын, Карага – Аўдосьеў – Р. Гарбаконь; Жолудзеў – Цвяткоў, Шэрамецьеў – Маліноўскі – Менцюк. Галоўны трэнер: Сяргей Пушкоў.
БРЭСТ: Рагоўскі; П. Мікульчык – Світа, Калюбакін – Двурэчэнскі (к) – Пяткевіч; Казачэк – М. Гаўрыленак, Гарбуноў – Буцэнка – Радзецкі; Паноў – А. Гаўрылёнак, Рашчынскі – А. Фёдараў – Жылінскі; П. Тоўсцік-мал. – Барышэў, Булгакаў – Кліменкоў – Карагода. Галоўны трэнер:
Аляксандр Гаўрылёнак.
ГАЛЫ: 27:08 1-0 Жылін (Мароз, Пераверзеў – больш.); 32:25 2-0 Пільноў (Мароз, Жылін); 49:40 2-1 Пяткевіч (Двурэчанскі, Світа).
БРАМНІКІ: Філіпчык (00:00-60:00 – 95.24%) – Рагоўскі (00:00-59:40 – 89.47%).
КІДКІ: 19-21 (7-8, 5-6, 7-7).
ШТРАФЫ: 18-18 (4-2, 10-16, 4-0).
ХІМІК-СКА: Камароў, Клішын, Пільноў, Прыгуноў, Глінкін, Карага, Крыкуненка, Пераверзеў.
БРЭСТ: Барышаў – 12, Гарбуноў – 4, М. Гаўрылёнак.
ЛЕПШЫЯ ГУЛЬЦЫ: Яўген ФІЛІПЧЫК, Андрэй МАРОЗ (Хімік-СКА) – Кірыл ПЯТКЕВІЧ (Брэст).
Аляксандр БРЭЖНЕЎ
