Беларускі адмысловец Андрэй Кавалёў, які завяршыў гульнявую кар’еру ў сезоне-2007/08, можа ўзначаліць нацыянальную зборную Кітая па хакеі. Пра гэта паведаміў сёння журналістам пасля паседжання выканкама Федэрацыі хакея Беларусі (ФХРБ) кіраўнік гэтай арганізацыі Ўладзімір Навумаў, піша карэспандэнт інфармацыйнага агенцтва БелТА.

“Лічу, што для Беларусі прэстыжна, калі яе адмыслоўцы будуць узначальваць нацыянальныя зборныя іншых краін. Хуткім часам нашых трэнераў наўрад ці паклічуць у Швецыю ці Фінляндыю. Але Ўкраіна сур’ёзна разглядае кандыдатуру Міхаіла Захарава, і мы гэта будзем толькі вітаць, і нават гатовыя ў такім разе дапамагчы ўкраінцам матэрыяльна. Гэта не жарт! Нашымі адмыслоўцамі зацікавілася і нацыянальная зборная Кітая. Магчыма, яе ўзначаліць Андрэй Кавалёў“, – сказаў Уладзімір Навумаў.

Як растлумачыў генеральны сакратар Нацыянальнай федэрацыі хакея Сяргей Ганчароў, пытанне пра прызначэнне нашага суайчынніка рулявым кітайскай зборнай цяпер абмяркоўваецца. Андрэй Кавалёў прапанаваў прадстаўнікам “Паднябеснай” трэніраваць зборную Кітая ў тандэме са сваім шматгадовым партнёрам па нацыянальнай камандзе Беларусі Андрэем Расолька, з якім, дарэчы, у мінулым сезоне яны разам працавалі ў штабе “Віцебску”. Акрамя таго, беларусы просяць падаць кваліфікаванага перакладчыка. Але кітайскі бок пакуль не вызначыўся, ці гатовая яна ўключыць у трэнерскі штаб сваёй зборнай адразу дваіх беларусаў.

Зборная Кітая ў сусветным рэйтынгу 2009 года размяшчаецца на 29-м радку сярод 48 краін і ўваходзіць у трэці па рангу эшалон. На чэмпіянаце свету – 2009 азіяцкая зборная выступала ў групе А дывізіёна II у Сербіі і заняла 3-е месца сярод 6 каманд. Каманда Кітая абгуляла сапернікаў з Ісландыі – 3:2 (у авертайме), КНДР – 7:5 і Ізраілю – 5:1, а саступіла Сербіі – 3:5 і Эстоніі – 3:16. Пуцёўку ж у дывізіён I заваявалі сербы, якія у ключавым паядынку сенсацыйна адолелі эстонцаў – 5:4 (у серыі булітаў).

У наступным сезоне зборная Кітаю зноў выступіць у дывізіёне II. З 10 па 17 красавіка 2010 гады ў сталіцы Эстоніі Таліне сапернікамі хакеістаў Паднябеснай па групе B стануць каманды Румыніі, Эстоніі, Ісландыі, Ізраілю і Новай Зеландыі.

43-летні Андрэй Кавалёў з’яўляецца выхаванцам віцебскага хакея. У Менск з роднага Віцебску пераехаў у 14-летнім узросце па запрашэнні аднаго са старажылаў сталічнай хакейнай школы “Юнацтва”, заслужанага трэнера Беларусі Валера Пальшакова. Кар’еру пачынаў у 1984 году ў менскім “Дынама”. У 1989-м Кавалёў перабраўся ў маскоўскае “Дынама”, з якім да распаду СССР паспеў двойчы стаць чэмпіёнам Савецкага Саюзу. Затым беларускі нападнік з’ехаў за акіян, дзе некалькі гадоў правёў у розных паўночнаамерыканскіх клубах. Вялікую частку кар’еры (з 1993 па 2006 год) Кавалёў правёў у Нямеччыне, дзе доўгі час быў адным з лепшых гульцоў мясцовага элітнага дывізіёна.

Пасля доўгіх выступаў за мяжой у 2006 году ветэран вярнуўся на радзіму, дзе ў складзе менскага “Юнацтва” выйграў бронзу нацыянальнага чэмпіянату і другі па значнасці клубны еўратрафей – Кантынентальны кубак.

У складзе савецкай зборнай Андрэй Ковалев стаў чэмпіёнам свету сярод моладзевых (да 20 гадоў) каманд. За нацыянальную зборную СССР згуляў 35 гульняў, закінуўшы ў іх 13 шайбаў. У 1990-м быў задрафтован клубам НХЛ “Вашынгтон Кэпиталс”, праўда, прабіцца ў наймоцную лігу планеты так і не змог. За зборную Беларусі Кавалёў правёў 89 матчаў, набраўшы 63 бамбардзірскіх бала (33 шайбы плюс 30 перадач). З’яўляецца ўдзельнікам васьмі чэмпіянатаў свету (1995, 1996, 1997, 1998, 1999, 2000, 2001, 2003) і дзвюх Алімпіяд (Нагана-1998, Солт-Лэйк-Сіці-2002). Пасля завяршэння кар’еры Андрэй Кавалёў працаваў спачатку ў штабе менскага “Юнацтва”, а ў мінулым сезоне быў асістэнтам галоўнага трэнера Андрэя Расолька ў “Віцебску”.

40-летні Андрэй Расолька нямала пагуляў разам з Андрэем Кавалёвым за менскае “Дынама” ў чэмпіянаце СССР, а за зборную Беларусі – на сусветных першынствах і Алімпіядзе ў Солт-Лэйк-Сіці-2002. Гульнявую кар’еру Андрэй Расолька завяршаў таксама ў менскім “Юнацтве”, з якім выйграў два тытулы чэмпіёна Беларусі, а да гэтага гуляў у Расіі ў омскім “Авангардзе”, чэрепавецкай “Северсталі”, новакузнецкім “Металургу”, ніжнекамскім “Нафтахіміку”, а таксама ў дацкім “Ольбарге”. Трэнерскую кар’еру Андрэй Расолька пачынаў у менскім “Юнацтве”, дзе асіставаў Міхаілу Захараву, а затым быў галоўным трэнерам фарм-каманды – сталічнага “Юніёра”, з якім станавіўся пераможцам вышэйшай лігі. Акрамя таго, Андрэй Расолька ўзначальваў моладзевую (да 20 гадоў) зборную Беларусі і клуб нацыянальнай экстралиги “Віцебск”.