Сёння менскім Дынама дасягнута дамова пра падпісанне кантракту з двума гульцамі NHL: фінамі Віле Пелтаненам і Оccі Ваананенам, паведамляе афіцыйны сайт ХК “Дынама-Менск”.
На базе Рэспубліканскага цэнтра Алімпійскай падрыхтоўкі “Раўбічы”, з 1 па 10 жніўня, пройдзе першы збор юніёрскай (да 18 гадоў) зборнай Беларусі. У планах зборнай правядзенне таварыскага матчу з камандай ХК “Гомель” 1992-93 г.н., які адбудзецца 8 жніўня, паведамляе афіцыйны сайт Федэрацыі хакею Рэспублікі Беларусь.
Расійскі нападнік Максім Афінагенаў, у якога скончыўся кантракт з “Бафала Сэйбрс” у інтэрвію выданню “Советский Спорт” сказаў, што разглядае магчымасць вярнууца ў Расію: “Я па-ранейшаму чакаю кантракту ў НХЛ. А пакуль з задавальненнем трэніруюся з любімай камандай. Амаль усіх гульцоў тут ведаю”.
На фоне заўзятарскага праведнага гневу на адрас новага варыянту напісання назвы беларускага прадстаўніка ў КХЛ ня з меншым рэзанансам сярод прыхільнікаў хакею прайшла змена клубнай эмблемы магілёўскага “Хімвалакна”. Зараз замест звыклых двух львіных галоў новая эмблема будзе ўтрымліваць усяго аднаго ляжачага ільва. Але магілёўскія заўзятары зусім неадназначна аднесліся да новага “лэйблу” і 23 ліпеня перадалі кіраўніцтву клуба ліст у якім выказалі сваю нязгоду з новай клубнай сімволікай.
Як паведамляе афіцыйны сайт ХК “Дынама-Менск”, з 4 па 6 жніўня ў Пінску адбудзецца Міжнародны турнір па хакею, прысвечаны 65-годдзю вызвалення Рэспублікі Беларусь ад нямецка-фашысцкіх захопнікаў. У турніры возьмуць удзел ХК “Дынама-Менск” (у якасці гаспадароў), расейскі ХК “МВД” (Балашыха), а таксама прадстаўнік Латвіі у КХЛ – ХК “Дынама-Рыга”.
Сёння, у рамках падрыхтоўчага збору, які праходзіць у фінскім мястэчку Хейнала, хакейны клуб “Гомель” правёў таварыскі матч з другім клубам КХЛ – мыцішчынскім “Атлантам” у якім здабыў перамогу з мінімальным адрывам 4:3 (0:0, 3:1, 1:2).
Як паведамляе неафіцыйны сайт ХК “Гомель”, у продаж паступілі квіткі на хатнія матчы Кубка Беларусі гомельскай каманды. У параўнанні з мінулым сезонам вартасць аднаго наведвання гульні любімай каманды ўзрасла ў сярэднім на 1 тысячу рублёў.
Як паведамляе “Прессбол” са спасылкаю на “Советскую Белоруссию” абаронец зборнай Беларусі і клюбу АХЛ “Хартфард” Уладзімір Дзянісаў пачне наступны сезон у амерыканскім клубе, але не выключае і магчымасці пераходу ў адзін з клубаў КХЛ.
Беларускі адмысловец Андрэй Кавалёў, які завяршыў гульнявую кар’еру ў сезоне-2007/08, можа ўзначаліць нацыянальную зборную Кітая па хакеі. Пра гэта паведаміў сёння журналістам пасля паседжання выканкама Федэрацыі хакея Беларусі (ФХРБ) кіраўнік гэтай арганізацыі Ўладзімір Навумаў, піша карэспандэнт інфармацыйнага агенцтва БелТА.
Вядомы беларускі адмысловец Уладзімір Сафонаў будзе галоўным трэнерам юнацкай (да 18 гадоў) зборнай Беларусі. Пра гэта паведаміў сёння журналістам пасля паседжання выканкама Федэрацыі хакея Беларусі (ФХРБ) яе кіраўнік Уладзімір Навумаў, перадае карэспандэнт БЕЛТА.
