У галасаваньні, якое ўпершыню праводзіла праграма “Хакей Расіі”, за нападніка васкрасенскага “Хіміка” Аляксея Смірнова заўзятары падалі 26,1% галасоў. Гэтаму посьпеху паспрыяла ўдалая гульня падмаскоўнага клюба, які за мінулы тыдзень атрымаў тры перамогі запар. Да пераможнай серыі прыклаў сваю руку і Сьмірноў. На ягоным рахунку пераможная шайба ў сустрэчы з “Трактарам”, а таксама дубль у гульні супраць хабараўскага “Амура”.

На другім месцы апынуўся форвард ніжагародскага “Тарпэда” Ягор Шасьцін. Ён атрымаў 22,6% галасоў.

Трэцяе месца ў апытаньні заняў Ільля Праскуракоў (19,0% галасоў). Галкіпэр магнітагорскага “Мэталюрга” у матчы супраць “Ак Барсу” закінуў другую шайбу сваёй каманды і ўвайшоў у гісторыю КХЛ, як першы брамнік, які вызначыўся голам.