Канадская частка “беларускіх” каманд НХЛ скончыла выступленьні ў 2008-м годзе ў добрым настроі. Гадзіны часу, каб завалодаць перамогай і “Манрэалю”, і “Таронта” не хапіла: вікторыі былі атрыманы па булітах і авэртайме адпаведна. Радасна, што адзін з прыгожых момантаў вечара стварыў Міхаіл Грабоўскі – яго галявы пас з-за сьпіны стаў адным з лепшых эпізодаў у адбыўшыхся 8-мі гульнях.

Мікалай Кулемін пасьля паса беларуса – аднаго з прэтэндэнтаў на тытул лепшага навічка сэзона – застаўся перад пустымі варотамі і, спыніўшы сваю 8-матчавую безгалявую сэрыю скараціў перавагу “дзятлаў” – 1-2. Міхаіл на добрай хуткасьці наблізіўся да варот Ёхана Хэдберга, вырашыў не кідаць і, паехаўшы за вароты, прыняў нечаканае і эфектнае ды эфэктыўнае рашэньне: пас з-за сьпіны з-за варот ня гледзячы ў бок партнёра пакінуў усіх “трэшэраў” у стане назіральнікаў.

Яшчэ адзін эпізод, які ставрыў для партнёраў Міхаіл Грабоўскі, павінен быў завяршацца голам, аднак на гэты раз Ёхан Хэдберг пагрозу адвёў: беларус у выхадзе 2 на 1 мог кідаць сам, ды вырашыў аддаць перадачу крыху назад на знаходзіўшагася ў лепшай пазыцыі Нікласа Хагмана.

Гульня беларускага форварда была адпаведна адзначана заакіянскімі спецыялістамі: у яго другая зорка гульні.

Перамогу ж камандзе прынёс кідком ад блакітнай лініі Павел Кубіна, выкарыстаўшы большасьць. Апошняя перамога ў годзе стала для Керціса Джозэфа ў гэтым сэзоне… першай. Не зьдзіўляйцеся – да гэтуль 41-гадовы ветэран перамагаў апошні раз 5-га красавіка. Тады ён адолеў “Ванкувэр”.

Доўгачаканая перамога стала для Джозэфа 450-й у кар’еры – тройка супэрсэўваў стала чыньнікам прызнаньня галкіпера лепшым гульцом сустрэчы. Заслужыў павагі працай апошнім вечарам і Хэдберг – 43 “сэйвы”.

Беларускія “канадцы” праводзілі другую сустрэчу запар у цёплых фларыдскіх шыротах – зараз з “маланкамі”, і ізноў атрымалі ўнушальную падтрымку… ад гледачоў: такое ўражаньне, што куды б яны ня ехалі паўсюль знойдзецаа парачка тысяч заўзятараў самага тытулаванага клюбу НХЛ. Кэры Прайс, які адвёў 2 з 3-х булітаў ды 21 з 22-х падчас асноўнага часу, казаў у гэты раз нават пра 5 тысяч!

Маглі 100-гадовыя выйграць і ў час асноўны час, ды вось кідок нашага Андрэя Касьціцына ў барацьбе з двума гульцамі гаспадароў з вострага вугла прышоўся ў перакладзіну за лічаныя секунды да канца трэцяга перыяда.

У авэртайме выратаваў “маланак” ужо лежачы на лёдзе Майк Сьміт (спыніў 28 з 29-ці): выкінутая ўверх пальчатка спніла кідок Макса Ляп’ера па ўжо здавалася б неабароненых варотах. Што ў форварда не атрымалася ў дадатковай пяціхвіліны, ён зрабіў у булітах – перамога гасьцей 2-1.

Статыстыка беларусаў:
Міхаіл Грабоўскі – 16:14, 0+1, +1, 3 кідкі, 2-ая зорка сустрэчы.
Сяргей Касьціцын – 17:05, 2 кідкі.
Андрэй Касьціцын – 20:16, 1 кідок.

З цікавсьцю чакаліся паедынкі ў Дэтройце, куды ў госьці прыехалі перамагаўшыя ў апошніх 9-ці гульнях “каршакі” з Чыкага, ды ў Піцбурге, які наведалі “мядзьведзі”.

Сакрушальны поступ бостанцаў працягнуўся і яны атрымалі сваю 9-тую перамогу запар (5-2) ды ўпершыню выйшлі на адзінаасобнае першае месца ў чэмпіянаце. У адным з сямі апошніх матчаў у гэтым годзе ў “акул” з Сан-Хасэ ёсьць шанец завалодаць тронам – трэба перамагаць “Мінэсоту”.

Марк Савар і Дэніс Уайдман набралі ў Піцбурге па 3 (1+2) ачкі, а Цім Томас (32 “сэйвы”) зарабіў 7-ю перамогу запар. У апошніх 26-ці гульнях у “Бостана” – 23 (!) перамогі (+23=1-2) з розьніцай шайбаў 106-51. 9 перамог запар “мядзьведзі” атрымлівалі апошні раз амаль 26 кадоў назад – тады каманда Бары Педэрсана і Рэя Бурка выйгравала ў студзені 1983-га 9 запар, 1 раз згуляла ў нічыю і потым перамагла яшчэ 5 разоў. Зараз сытуацыя падобная: 5 вікторый – адна параза – яшчэ 9 вікторый.

А вось для “Хоўкс” бітва “крылатых” аказалася правальнай – 0-4 (дублем адзначыўся Ёхан Франтцэн). Цяжкае выпрабаваньне ў адсутнасьці прапускаўшага другую гульню запар з-за траўмы нагі лідэра абароны Нікласа Лідстрама Тай Конклін вытрымаў цудоўна – 36 “сэйваў” і сёмы “сухі” матч у кар’еры.

Цяпер чакаемая ўсім Чыкага гульня на адкрытым воздухе на бэйсбольным стадыёне супраць “чырвоных крылаў” у першы дзень новага года, якая зьбярэ 70 тысяч гледачоў, стане магчымасьцю рэваншыравацца.

У перадапошні дзень года гаспадары былі занадта гасьцепрыімнымі – толькі дзьве перамогі ў 8-мі гульнях, а каманды Захаду капітулявалі поўнасьцю перад усходам – 3 паразы ў дамашніх гульнях. І гэты пры тым, што “сэнатары” з Аттаву дагэтуль апошні раз перамагалі 30-га кастрычніка і прыехалі ў Эдмантан маючы ў пасіве 12 гульняў запар без вікторый (+0=2-10). І хоць ідучы восьмым саступіўшы “капіталістам” 2-4 “Баффала” яшчэ далёка, новы год канадцы пачнуць у добрым настроі – мінімальная вікторыя 3-2.

Перамог і добрага настроя і Вам у Новым годзе, паважаныя Беларусы!

Астатнія вынікі:
Ванкувер – Філядэльфія – 2-3 (“лётчык” Сімон Ганье атрымаў траўму ўжо праз 15 секунд знаходжаньня на пляцоўцы)
Сэнт-Луіс – Ню-Джэрсі – 3-4 (Зак Пэрыс 2+0, мае ўжо 21 гол у сэзоне