У дванаццаці згуляных мінулай ноччу гульнях каманды абышліся без дадатковага часу, вызначаўшы пераможцу за 60 хвілін. На лёд выходзілі і ўсе чатыры прадстаўнікі Беларусі ў мацнейшай хакейнай лізе сьвету. І што здараецца, як і выяўленьне мацнейшых у асноўны час, апошнім часам нячаста – каманды ўсіх беларусаў перамаглі. А Андрэй Касьціцын быў прызнаны першай зоркай супрацьстаяньня яго “канадцаў” з “шаблямі” з Баффала.

Вынікі 29 лістапада:

Манрэаль – Баффала – 3-2

Самая працяглая за ўсю гісторыю 100-гадовага самага тытулаванага клюбу НХЛ хатняя сэрыя з сямі сустрэчаў распачалася з перамогі ў шмат чым дзякуючы братам-беларусам: Андрэй Касьціцын адзачыўся голам і асыстэнцкім балам, а Сяргей, хоць і правёў на лёдзе з-за трох выдаленьняў ня шмат часу на пляцоўцы, двойчы знаходзіўся на лёдзе падчас выніковых кідкоў “канадцаў” (агулам беларусы прынялі ўдзел ва ўсіх трох узяцьцях варот “шабляў”).

Усе тры выніковыя стрэлы, маючага праблемы ў атацы “Манрэалю” прыйшліся на другі перыяд. Першы гол стаў заслугай выключна Андрэя: атакаваўшы супернікаў у чужой зоне, ён скарыстаўся памылкай абаронцы і добра згуляў на падборы пасьля свайго ж кідка: абвёў Патрыка Лаліма і завёў шайбу ў сетку.

Пераможны ж гол у сустрэчы правёў Андрэй Маркаў, які праз некалькі секунд пасьля недакладнага кідка з блізкай адлегласьці Андрэя Касьціцына, усё ж даслаў шайбу па назначэньні.

Каларада – Тампа Бэй – 4-3

Таронта – Філядэльфія – 4-2

Статыстыка беларусаў:
Руслан Салей – 16:52, 4 кідкі.
Сяргей Касьціцын – 8:07, +2, 1 кідок, 6 хв.
Андрэй Касьціцын – 15:17, 1+1, +2, 3 кідкі, першая зорка гульні.
Міхаіл Грабоўскі – 19:37, 2 кідкі, 2 хв.

Бостан – Дэтройт – 4-1

Сэнт-Луіс – Эдмантан – 2-4

Лас-Анджэлес – Чыкага – 5-2

Айлендэрс – Аттава – 4-2

Каламбус – Вашынгтон – 3-0

Піцбург – Ню-Джэрсі – 4-1

Нэшвіл – Мінэсота – 2-6

Фінікс – Сан – Хасэ – 2-3

Калгары – Ванкувэр – 3-1

Агляд гульняў чытайце на сайце пазьней.