Асноўны брамнік “Анахайм Дакс” Жан-Себасьцьян Жыгер атрымаў дазвол пакінуць каманду па сямейных абставінах, якія застаюцца нераскрытымі, паведамляе CBC.

Жыгер ужо паехаў дахаты ў Манрэаль і ня вернецца ў каманду да ўікэнда, таму ўжо ў пятніцу ў матчы супраць “Чыкага Блэкхоўкс” месца на апошнім рубяжы давядзецца заняць швэйцарскаму брамніку Ёнасу Хільлеру.

На гэты момант Хільлер мае на сваім рахунку 4 перамогі ў асноўны час і адну ў дадатковы, а таксама адну паразу ў дадатковы час. У васьмі гульнях дзе яму давялося выходзіць на лёд, ён прапускаў у сярэднім па 2.40 шайбы за гульню.

На дапамогу швэйцарцу з фарм-клюбу “Дакс” “Аёва Чопс”, што выступае ў АХЛ, выкліканы 26-гадовы Дэвід Ле-Ніво. Ён быў задрафтаваны “Фініксам” у 2002 годзе пад агульным 46 нумарам і на гэты час правёў у НХЛ 21 гульню зь якіх 5 скончыліся перамогай у асноўны час, а яшчэ 9 – у дадатковы. У сярэднім Дэвід прапускаў 3.38 шайбы за гульню.