Магілёўскае “Хімвалакно” здаецца напаткала сусьветная фінансавая крызыс. Як паведамляе “Прессбол” са спасылкаю на інтэрнэт-газэту “Час Саюза”, каманду нагналі вялікія фінансавыя праблемы. Два з трох генэральных спонсараў — хімічны прамысловы гігант ААТ “Магілёўхімвалакно” і РУП “Магілёўаблгаз” — ня забясьпечваюць клюб грашовымі сродкамі ў неабходным аб’ёме ўжо на працягу трох месяцаў. Адсутнасьць належнага фінансаваньня вымусіла каманду жыць у крэдыт. Пастаўшчыкі прадуктаў харчаваньня, мэдыкамэнтаў і аднаўленчых сродкаў пакуль спраўна працягваюць выконваць абумоўленыя дамовай абавязацельства. А вось пастаўка інвэнтару, у прыватнасьці клюшак па спэцзаказах, прыпыненая. Няма ў дружыны і ўласнага аўтобуса.

Дырэктар магілёўскага клюбу Аляксей Мінкін так камэнтуе сытуацыю: “Мы сапраўды зазналі вызначаных праблемаў. Прадпрыемствы “Магілёўхімвалакно”, “Магілёўаблгаз” і “Белнафтахім” працягваюць падтрымліваць клюб, аднак ня ў тых аб’ёмах, якія былі зацьверджаныя Магілёўскім аблвыканкамам. У выніку непаразуменьня фінансаваньне засталося на ўзроўні 2006 году. На дадзены момант запазычанасьць клюбу складае блізка пяцісот мільёнаў рублёў. Гэтыя грошы сышлі на арэнду арэны, камунальныя паслугі, гасьцініцу і іншыя бытавыя патрэбы. Нягледзячы на ўсе нашы цяжкасьці, гульцы спраўна атрымоўваюць тое, што абумоўлена па кантракце. Выйсьці з сытуацыі якая склалася мы можам толькі аб’яднаўшы ўсе намаганьні. Ужо пасьпелі заручыцца падтрымкай новага дырэктара ААТ “Магілёўхімвалакно”. Разьлічваем, што да 1 студзеня яны пагасяць сваю частку даўгоў. Спадзяемся на разуменьне і падтрымку ад іншых арганізацый“.