Трэнэрскі штаб “Дынама” (Рыга) на чале з Юліюсам Шуплерам прыняў рашэньне адправіць у фарм-клюб форвардаў Віктара Блінова, Юрыса Шталса і Тома Хартманіса. У зваротным кірунак выкліканыя гульцы лініі атакі Айгарс Цыпрус і Гінтс Мейя, а таксама абаронца Алег Сарокін, паведамляе афіцыйны сайт каманды.

Сарокін, набіраючы фізычныя кандыцыі пасьля траўмы пахвіны, правёў у складзе “Рыгі-2000″ дзьве апошніх гульні Адкрытага чэмпіянату Беларусі. Да атрыманьня пашкоджаньня 34-гадовы абаронца пасьпеў правесьці за “Дынама” 12 матчаў рэгулярнага сэзону КХЛ.

Другі дасьведчаны гулец Айгарс Цыпрус сэзон таксама пачынаў у галоўнай камандзе. Аднак пасьля трох згуляных матчаў вэтэран быў перададзены ў фарм-клюб, дзе ў 18 гульнях набраў 13 (5+8) заліковых ачкоў.

У сваю чаргу для Гинтса Мейи гэта першы выклік у “Дынама”. Дзьве апошнія сустрэчы “Рыгі-2000″ у Адкрытым першынстве Беларусі Юліюс Шуплер назіраў увачавідкі і гульня 21-летняга форварда зрабіла на трэнэра належнае ўражаньне. Мейя пасьля 24 праведзеных матчаў забіў 10 галоў, зрабіў столькі жа рэзультатыўных перадач і зараз зьяўляецца лепшым бамбардзірам фарм-клюбу.

У распараджэньне трэнэра “Рыгі-2000″ Харальда Васільева адбылі Віктар Бліноў, Юрыс Шталс і Том Хартманіс, які эпізадычна зьяўляўся на лёдзе падчас уральскага турнэ “Дынама”, але вялікую частку сэзону выступаў менавіта ў фарме (18 гульняў, 4+5). Бліноў узяў удзел у 24 матчах КХЛ, займаючы пазыцыю цэнтральнага форварда ў чацьвёртым зьвяне. У сярэднім ён праводзіў на пляцоўцы 8 хвілін 16 сэкунд за матч або крыху болей за 12 зьмен, набраўшы пры гэтым 3 (2+1) бала за рэзультатыўнасьць, каэфіцыент карыснасьці “-7″ і 16 хвілін штрафу. Шталс, які правёў у “Рызе-2000″ ўвесь мінулы сэзон, у КХЛ сабраў наступныя статыстычныя паказчыкі: 19 гульняў (7:06 у серад./матч), 1+2, нэўтральны каэфіцыент карыснасьці і 8 хвілін штрафу.