За акіянам гэтую дату амэрыканскія заўзятары хакея будуць памятаць яшчэ працяглы час.

Менавіта ў гэты дзень год назад Майк Мадана апярэдзіў Філа Хаўсьлі (1232) ў сьпісе амэрыканскіх бамбардзіраў НХЛ, выйшаўы на першы радок. Той дзень быў сапраўды сьвяточным для капітана “Даласа”: ён тройчы ускалыхнуў сетку за сьпіною брамніка “Сан-Хасэ” (двойчы за першыя 5 хвілін гульні!) і яго з рэкордам тады павіншаваў прэзыдэнт ЗША Джордж Буш-малодшы.

На сёньняшні дзень у яго 1283 ачкі. Бліжэйшы з працягваючых кар’еру гульцоў амэрыканец – Джэрэмі Ронік з “Філадэльфіі”. Сярод дзеючых хакеістаў у Лізе Мадана па ачках – на пятым радку пасьля Джо Сакіка (1629), Марка Рэккі (1381), Брэндана Шэнахана (1340) і Матса Сундзіна (1321).

Па словах суперзоркі (ва ўсіх сэнсах зоркі), ён зьбіраецца граць да заканчэньня сэзону 2009/2010, таму амэрыканскі рэкорд мусіць павялічыцца і дасягнуць адзнакі 1300 балаў.

Майк Мадана ўсю кар’еру правёў у адным клюбе. Толькі склалася так, што яго “зоркі” перасунуліся з Мінэсоты у Далас, ператварыўшыся з “паўночных” у проста “зорак”. І шматгадовага капітана каманды можна лічыць сапраўднай магазоркай гэтых гарадоў і паўночнаамэрыканскага хакею наогул.

Майку належаць рэкорды па колькасьці праведзеных гульняў за “Зорак” (1320), галоў (528), перадач (755), і тых жа паказчыкаў у плэй-оф – гульняў (174), галоў (58), перадач (87). Таксама ён больш за ўсіх амэрыканцаў засмучаў брамнікаў каманд-супернікаў “зорак” (528) і яго паказчык гульняў у плэй-оф сярод усіх народжаных у Злучаных Штатах хакеістаў – найлепшы.

Але самы дарагі з усіх яго тытулаў, безумоўна, Кубак Стэнлі, які ён узьняў над галавой у 1999-м.