Сёньня ўначы Сяргей і Андрэй Касьціцыны зарабілі братэрскі гол, выратавалі ачко для каманды і чакаюць сёньняшняй сустрэчы з мінулагоднім партнёрам па камандзе Міхаілам Грабоўскім і яго “Таронта”.

Мінулай ноччу (вядома, па беларускім часе) адбыліся чатыры чарговыя гульні ругулярнага сэзону НХЛ. Як і ўчора, на лёд выходзілі два беларусы, але ж гэтага дня імі сталі браты Касьціцыны.

Касьціцыны напрыканцы трэцяга перыяду перавялі гульню ў авэртайм. Андрэй падабраў шайбу каля борту ў баку ад брамкі, праехаў за вароты і адпасаваў на Сяргея, які з блізкай дыстанцыі аднавіў раўнавагу ў гульні 3-3. Табло паказвала лічбы 0:40,9 – менавіта гэтых 40 секундаў “Блю Джэкэтс” не хапіла, каб адолець “Канадцаў” у асноўны час.

Што не змаглі зрабіць у 60 хвілін асноўнага часу і за 5 авертаймаўскага, атрымалася ў сэрыі булітаў. “Манрэаль” ня здолеў са сваіх двух кідкоў закінуць Сьціву Мэнсану, а “Каламбус” выкарыстаў абедзьве свае магчымасьці на 100%.

Для брамніка “Каламбуса” гэтая сустрэча была другой у кар’еры НХЛ. 4-га лістапада ён быў выкліканы на зьмену траўміраванаму Паскалю Леклеру, у сераду дапамог адолець “Эдмантан”, учора прыйшла чарга яшчэ адных канадцаў. 34 “сэйвы” – добры пачатак прафэсійнай кар’еры. “Гэта безумоўна клясна: дзьве перамогі ў двух гульнях!” – словы першай зоркі пасьля сустрэчы.

Яшчэ адзін навічок лігі Дэрык Брасар, які лідыруе ў сьпісе “першасэзоншчыкаў” лігі з паказчыкам 12 ачкоў у 12-ці гульнях, стаў трэцяй зоркай і закінуў у сэрыі пасьляматчавых хакейных пэнальці. На пачатку сэзону ў АХЛ Мэнсан выратоўваў у сэрыях булітаў чатыры разы: “Ведаеце, гэта сапраўды весела выяўляць пераможцу па “шотаўтам”, асабліва калі сустракаеш перамогу. Ды і закінутыя два галы дадалі ўпэўненасьці перад другім кідком супернікаў“. Яго, дарэчы, выконваў старэйшы Касьціцын.

Такім чынам, перарвалася сэрыя “Манрэалю”, які перамог у чатырох гульнях у гасьцёх і ў трох апошніх наогул. Дарэчы, амэрыканскія статыстыкі падлічылі, што гэта першая перамога “канадыэнс” з 23-га лістапада 1977-га ў штаце Агаё, калі мацнейшым ў гульні стаў неіснуючы зараз “Кліўленд Баронс” 2-1. Праўда, сустрэч з “Блю Джэкэтс” у “канадцаў” за ўсю гісторыю было на выездзе толькі дзьве.

На варотах “Манрэалю” замест ужо звыклага маладзёна Коры Прайса зьявіўся навічок Яраслаў Галак: 25 з 28-мі сэйваў і асноўны брамнік мае магчымасьць падрыхтавацца да сёньняшняга канадскага “беларускага” дэрбі з “Таронта” Мішы Грабоўскага.

“Канадцы” хоць і прайгралі, але набранае імі ачко можна лічыць сапраўды беларускім. Для Андрэя Касьціцына асыстэнцкі бал стаў трэцім у сэзоне і ўжо другім пасьля траўмы. І добра, што дапамог галявым яго зрабіць менавіта яго брат, які закінуў свой трэці гол. Упэўненасьці гэта павінна дадаць і аднаму і другому.

Са статыстычных паказчыкаў беларусаў адзначым, што яны скончылі гульню з карыснасьцю +1. Андрэй кідаў па варотах тройчы, Сяргей – 2 разы. Старэйшы на лёдзе правёў 14:55, малодшы 14:20, прычым Сяргея, як і заўжды, выкарыстоўваюць як у большасьці, так і ў “кілінг”-брыгадзе.

КАЛАМБУС – МАНРЭАЛЬ 4-3 бул (1-1, 0-0, 2-2, 0-0, 1-0)
07.11.2008 @ 19:07 EST, Нэшнлуайд Арэна (Каламбус), 14603 глядача
Судзьдзі: Дэн О’Рурк, Джасьцін Сэнт-П’ер, Дэрэк Нансэн, Эндзі Мак-Элман.
Галы: 06:52 1-0 Р.-Дж. Амбэргер (Дж. Чымэра, Р. Нэш); 15:08 1-1 А. Тэнгуэй (К. Хігінс, Р. Ланг -больш.); 42:51 1-2 П. Брысбоа (А. Кавалёў, Т. Плеканэц – больш.); 45:21 2-2 М. Мэтот (Р. Нэш, Я. Хейда); 45:55 3-2 Ф. Модзін (Ф. Цюцін, Я. Хейда); 59:19 3-3 С. Касьціцын (А. Касьціцын, Т. Плеканэц); К. Хусіліяс (пер. буліт).
Штрафы: 14-16 (2-0, 4-10, 8-4, 0-2).
Кідкі: 28-37 (8-19, 8-7, 10-8, 2-3).
Брамнікі: С. Мэйсан (64:50, 3-37) – Я. Галак (64:45, 3-28).
Зоркі: С. Мэйсан (КАЛ), Я. Хейда (КАЛ), Д. Брассард (КАЛ).

У астатніх учорашніх гульнях:

• “Караліна”, дзякуючы двум галам у трэцім перыядзе, змагла адолець “Сэнатарз” 2-1;
• “Атланта” у авертайме перамагла “Сэйбрз” 5-4. У пераможцаў дублі на рахунку Браяна Літла (яго 7-мы і 8-мы гол) і аўтара апошняй шайбы, які якасна згуляў на падборы, Джэйсана Уільямса (агулам мае 5 галоў), асыстэнцкі хэт-трык – у Вячаслава Казлова (6 перадач у сэзоне);
• Марк Пэрыш хэт-трыкам (да гэтай сустрэчы закідваў толькі аднойчы) дапамог “Даласу” адолець “Анахайм” 5-2.

КАРАЛІНА – АТАВА 2-1 (0-0, 0-1, 2-0)
07.11.2008 @ 19:07 EST, RBC Цэнтр (Ролі), 15206 глядачоў
Судзьдзі: Майк Хазэнфратц, Дэн О’Хэларан, Марк Вэлер, П’ер Шампо.
Галы: 38:08 0-1 М. Фішэр (Д. Альфрэдсан, К. Шубэрт); 51:06 1-1 Д. Сайдэнберг (Р. Уітні, Дж. Корва – больш.); 57:20 2-1 Дж. Корва (Р. Брындамур, Т. Глісан).
Штрафы: 12-14 (6-4, 2-4, 4-6).
Кідкі: 30-23 (9-12, 8-6, 13-5).
Брамнікі: М. Лейтан (59:54, 1-23) – М. Гербер (58:54, 2-30).
Зоркі: Дж. Корва (КАР), Д. Сайдэнберг (КАР), М. Лейтан (КАР).

БАФАЛА – АТЛЯНТА 4-5 ат (2-1, 2-2, 0-1, 0-1)
07.11.2008 @ 19:37 EST, HSBC Арэна (Бафала), 18466 глядачоў
Судзьдзі: Кэры Фрэйзер, Том Коваль, Браян Мач, П’ер Рэйскот.
Галы: 04:12 0-1 Дж. Уільямс (І. Кавальчук, Э. Крыстэнсэн); 08:15 1-1 К. Мак-Артур (Х. Тальліндэр); 18640 1-2 А. Каталік (Д. Рой, Ц. Коналі – больш.); 23:58 2-2 Б. Літл (В. Казлоў, Т. Энстрам); 27:30 3-2 М. Афінагенаў (Т. Нуммінен); 35:02 3-3 Б. Літл (В. Казлоў, Н. Хавелід); 35:52 4-3 Т. Ванэк (Ц. Коналі, Д. Рой – больш.); 48:00 4-4 Т. Уайт (Б. Літл, В. Казлоў – больш.); 60:48 4-5 Дж. Уільямс (І. Кавальчук, Р. Хэнсі – больш.).
Штрафы: 8-8 (0-4, 4-4, 2-0, 2-0).
Кідкі: 32-26 (12-7, 12-12, 8-4, 0-3).
Брамнікі: Р. Мільлер (60:46, 5-26) – Ё. Хэдберг (60:48, 4-32).
Зоркі: Т. Ванэк (БАФ), Б. Літл (АТЛ), Д. Рой (БАФ).

АНАХАЙМ – ДАЛАС 2-5 (1-2, 0-2, 1-1)
07.11.2008 @ 19:05 PST, Хонда Цэнтр (Анахайм), 17048 глядачоў
Судзьдзі: Марк Джоанэт, Роб Мартэл, Лоні Кэмэран, Скот Дрыскол.
Галы: 07:07 0-1 Ф. Брунстром (М. Рыбейра, Б. Морраў); 10:44 0-2 М. Пэрыш (Ш. Эверы, П. Бушэр – больш.); 17:28 1-2 Б. Морысан (Р. Картэр, Ц. Селянэ); 21:13 1-3 М. Пэрыш (М. Рыбейра, Б. Рычардс – больш.); 25:52 1-4 М. Пэрыш; 49:01 1-5 Б. Рычардс (С. Отт, Ц. Дэйлі); 50:35 2-5 С. Нідэрмаер (К. Пронгер, Р. Гецлаф – больш.).
Штрафы: 19-19 (6-2, 9-9, 4-8).
Кідкі: 30-26 (10-8, 12-10, 8-8).
Брамнікі: Ж.-С. Жыгер (25:52, 4-13), Ё. Хілер (34:08, 1-13) – М. Турка (2-30).
Зоркі: М. Пэрыш (ДАЛ), Б. Рычардс (ДАЛ), К. Куніц (АНА).