Сёньня чарговую сустрэча за акіянам правяла на турніры “2008 World Junior A Challenge” у Канадзе маладзёжная зборная нашай краіны. Пераможца гэтага чвэрцьфіналу патрапіць ў паўфінале на зборную Заходняй Канады, якую нашы хлопцы, дарэчы, перамаглі ў стартавым матчы ў сэрыі булітаў. За перамогай нашых суайчыньнікаў над зборнай Нямеччыны (7-5) назірала 1622 гледача.

Сапраўдным героем сустрэчы стаў Сяргей Дрозд, які адзначыўся “фокусам з капялюшам” у трэцім пэрыядзе, прынёс перамогу камандзе і быў прызнаны лепшым у складзе беларускай зборнай. Пасьля гэтага матчу ў Сяргея на рахунку ўжо 7 галоў у трох сустрэчах – сапраўдны грасмэйстэрскі вынік!

Сапраўдная перастрэлка пачалася ўжо ў першым пэрыядзе, які каманды скончылі з лікам 4-2. Беларусы пасьля голу Ігара Варашылава ў меньшасьці на 4-й хвіліне пасьпелі пабываць і ў скуры прайграючых (1-2 на 11-й), але добра справіліся з выклікам немцаў. Павел Дашкоў, Дзьмітры Корабаў і зноў Ігар Варашылаў дазволілі партнёрам пайсьці на перапынак у добрым настроі.

У другім пэрыядзе ў большасьці вызначыліся немцы. І не стала неспадзяванкай, што гэта адбылося ў няроўных складах: у гэтай дваццаціхвілінцы было зафіксавана адразу 7 выдаленьняў – тры зь іх з беларускага боку.

А потым быў “хет-трык” Сяргея Дразда, дзякуючы якому каманда павяла 7-3 і, напэўна, крыху супакоіўшыся ў канцоўцы дазволіла двойчы адзначыцца хакеістам Нямеччыны.

Дзякуй, хлопцы, за перамогу! Посьпехаў у наступнай сустрэчы! Беларусь падтрымлівае вас!

У другім чвэрцьфінале сустракаліся зборныя Расіі і ЗША. Амэрыканцы перамаглі з разгромным лікам 8-2 і ў паўфінале згуляюць са зборнай Усходняй Канады. Паўфіналы і матч за 5-6 месца адбудуцца заўтра 8 лістапада.

БЕЛАРУСЬ – НЯМЕЧЧЫНА 7-5 (4-2, 0-1, 3-2)
06.11.2008, 20:30 (Менск), Эджвуд Цэнтр, Кэмрос, 1622 гледача
Судзьдзі: Дэйў Дьюіс, Раян Доўсан, Грэхэм Бэгг
Галы: 03:12 1-0 І. Варашылаў (М. Сусла – меньш.); 06:11 1-1 С. Рупрых (А. Хюбшэр); 10-13 1-2 Б. Брукнэр (С. Рупрых); 12:07 2-2 П. Дашкоў (А. Кувэка, Д. Верамейчык); 14:52 3-2 Д. Корабаў (А. Кувэка, П. Дашкоў); 19:25 4-2 І. Варашылаў (С. Дрозд, У. Міхайлаў); 27:47 4-3 С. Рупрых (А. Хюбшэр, Т. Рыттэр – больш.); 50:21 5-3 С. Дрозд (Д. Корабаў, І. Шынкевіч – больш.); 52:20 6-3 С. Дрозд (Д. Корабаў, А. Гарошка – больш.); 54:07 7-3 С. Дрозд (І. Варашылаў – больш.); 56:31 7-4 А. Хюбшэр (П. Роль, Б. Брукнэр – больш.); 58:46 7-5 Т. Рыттэр (А. Хюбшэр, С. Штурм).
Брамнікі: В. Бялінскі (5-26) – М. Кельлер (58:57, 7-22).
Штрафы: 52-43 (4-2, 6-8, 42-33)
Кідкі: 22-26 (6-7, 7-8, 9-11).
Лепшыя: Сяргей ДРОЗД (Беларусь) – Штефан РУПРЫХ (Нямеччына).