Пад час прэсавай канфэрэнцыі галоўны трэнэр расейскага клюбу “Крышталь” (Саратаў), што выступае ў вышэйшай лізе, Генадзь Цыгураў адказаў на пытаньне карэспандэнтаў пра прычыны сьмерці Аляксея Чэрэпанава.

“Я не магу сказаць чыя віна. Скажу толькі аб тым, што ўся бяда ідзе зь дзіцячага хакею. Нярэдка займаюцца зь дзецьмі некваліфікаваныя і нявопытныя трэнэры, якія ня маюць пэдагагічнай адукацыі. Наяўнасьць дыплёма яшчэ ні аб чым не гаворыць. Часьцей за ўсё яго наўпрост купляюць… Шмат хто з трэнэраў ня можа нават узгадаць назву свайго інстытута, не кажучы ўжо пра прадметы. Яшчэ адна бяда – хабарніцтва. Дзеці прабіраюцца ў вышэйшую лігу за кошт сродкаў сваіх бацькоў“, – падае словы адмыслоўца афіцыйны сайт клюбу.