У маючым стартаваць 9 верасьня 2008 г. 17 адкрытым (міжнародным) чэмпіянаце Рэспублікі Беларусь (АЧРБ) у параўнаньні зь мінулым годам зьмяніўся час пачатку матчаў, якія выпадаюць на суботу, нядзелю і дні дзяржаўных сьвятаў. Так каманды, што гуляюць у Экстралізе будуць пачынаць гульню а 13:00, а вось каманды Вышэйшай лігі на чатыры гадзіны пазьней у суботу (а 17:00) і а 13:00 у нядзелю.

Таксама новы рэглямэнт чэмпіянату ўнёс некаторыя зьмены ў правілы правядзеньня гульняў у Менску. Калі ў адзін дзень хатнія матчы будуць гуляць абедзьве менскія каманды, што заяўленыя ў АЧРБ, “Юнацтва” будзе пачынаць гульню на сваёй пляцоўцы а 13:00 у будзь які дзень тыдня, а вось “Керамін” запросіць сваіх заўзятараў крыху па іншым раскладзе. Матчы ў лядовым палацы на Прытыцкага будуць пачынацца а 18:30 у звычайныя дні і а 17:00 у выходныя і сьвяточныя дні.